Юраги бир кунда 53 марта тўхтаб қолган астаналик бемор тирик қолди

ASTANА. Кazinform – Астанадаги 2-сонли шаҳар кўп тармоқли шифохонаси шифокорлари 35 кун давомида беморнинг ҳаёти учун курашди. Бир кун ичида унинг юраги 53 марта тўхтаб, яна ура бошлади, деб хабар беради Кazinform.

6 январ куни бемор миокард инфаркти туфайли тез ёрдам машинасида ўта оғир аҳволда зудлик билан кўп тармоқли шифохонага етказилган. Қабул қилингандан сўнг 10 минут ичида операция қилинди (коронар ангиография ва стендлаш).

Қон айланиши доимо тўхтаб қоларди. Шифокорлар беморнинг юрагини тиклаш учун кечаю кундуз ишладилар. Бир кун ичида юрак уриши 53 марта тўхтади. Сунъий юрак ва ўпка вазифасини бажарадиган ЭКМО (экстракорпореал мембрана оксигенацияси) қўшишга тўғри келди.

Шифокорлар 35 кун давомида беморнинг ёнидан кетмади, доимий мониторинг ўтказилди. Бу вақт ичида қон кетиш содир бўлди, кейин яллиғланиш реакцияси, сепсис ва тизимли кўп аъзолар етишмовчилиги.

«Беморни нариги дунёдан бир неча марта қайтариш, нафақат оёққа турғизиш, балки тананинг барча функцияларини сақлаб қолиш мумкин бўлди. Ҳатто бир неча бор бундай операцияларни ўтказган тажрибали реаниматологлар ҳам буни «тиббий мўъжиза» дейишади, – дейди Кардиобит бўлими мудири Расул Сағинаев.

«Бемор омон қолди, хайриятки, унинг мияси шикастланмаган. Бунинг учун қабулхона шифокорлари, интервенцион кардиологлар, кардиожарроҳлар, кардио БИТ навбатчи шифокорлари (Руслан Ыалиев, Қасқир Науриз, Лунара Қадирова, Ришат Айтқали), ҳамширалар ва санитарлар томонидан катта жамоавий иш олиб борилди. Бу биз учун катта ғалаба», - дейди катта кардиолог Сабит Айнамқулов.

Ҳозирда бемор доимий ва интервенцион кардиология бўлимига ўтказилган.

Фото: Астана шаҳар ҳокимлиги матбуот хизмати