Йил бошидан буён 1,3 минг этник қозоқ “ватандош” мақомини олди

ASTANA. Kazinform – 2024 йил 1 февраль ҳолатига кўра, 1306 этник қозоқ ўз тарихий ватанига келиб, “ватандош” мақомига эга бўлди. 1991 йилдан бери республикага жами 1 миллион 129,6 минг этник қозоқ келган.

Йил бошидан буён Қозоғистонга келган ватандошларнинг ярми (48,9 фоизи) Хитойдан, 29,6 фоизи Ўзбекистондан, 8,3 фоизи Мўғулистондан, 4,4 фоизи Россиядан, 7,3 фоизи Туркманистондан ва 1,5 фоизи бошқа давлатлардан келган.

Жорий йилнинг 1 февраль ҳолатига кўра, меҳнатга лаёқатли ёшдаги этник мигрантлар сони 56,2 фоизни, меҳнатга лаёқатли ёшдан кичиклар 33,6 фоизини, нафақахўрлар эса 10,2 фоизни ташкил этади.

Меҳнатга лаёқатли ватандошлар орасида олий маълумотли 15%, ўрта касб-ҳунар маълумоти 20,2%, умумий ўрта маълумотли 54,6%, маълумотсиз 10,2%.

Кўчирилган этник қозоқлар республиканинг турли вилоятларига жойлашдилар.