Йил бошидан буён Туркистонга қарийб ярим миллион сайёҳ ташриф буюрди
«Вилоятда туризмни ривожлантиришнинг 3 та асосий йўналиши белгиланган. 1770 та тарихий-маданий ёдгорлик тарихий-маърифий йўналишда сайёҳларга хизмат кўрсатмоқда. Экологик туризм бўйича вилоят ҳудудида 4 та алоҳида муҳофаза этиладиган табиий объектлар мавжуд. Улар: «Ақсу-Жабағили» ва «Қаратау» қўриқхоналари, «Сайрам-Ўгам» миллий боғи, «Сирдарё-Туркистон» ҳудудий табиат боғи. Экологик туризмни ривожлантириш мақсадида 30 та туристик маршрут яратилган. Тиббиёт туризми йўналишида 72 та соғломлаштириш оромгоҳи фаолият юритмоқда. Уларнинг сиғими 7 минг 940 ўринга етади», – деди вилоят раҳбари.
Шунингдек, шаҳар ҳокими йил охиригача 2 та соғломлаштириш мажмуасини фойдаланишга топшириш режаси борлигини айтди.
«Умуман олганда, ўтган йили ушбу йўналишлар бўйича вилоятга 470 мингдан ортиқ сайёҳ ва 1 миллион визитер келган. Туризм соҳасига 69 миллиард тенге сармоя киритилди. 19 та туризм инвестиция лойиҳаси якунланиб, фойдаланишга топширилди. Жорий йилда 35 миллиард тенгелик 10 та лойиҳа ишга туширилади», — деди Дархан Сатибалди.
Муаллиф: Есимжан Нақтибай