Йил бошидан буён Атирау вилоятига 1,1 триллион тенге сармоя киритилди
«Бугунги кунда вилоятимизга 1,1 триллион тенге сармоя киритилди. Бу ўтган йилнинг шу даврига нисбатан 6,7 фоизга кўпдир. Улар орасида хорижий инвестициялар – 474 миллиард тенге, ички инвестициялар – 665 миллиард тенгени ташкил этади. Мамлакатимизга киритилган жами сармоянинг 22,5 фоизи Атирау вилоятига тўғри келади», - деди С. Шапкенов Марказий коммуникациялар хизматида бўлиб ўтган матбуот анжуманида.
Унинг таъкидлашича, 2021-2025 йилларда тадбиркорликни ривожлантириш миллий лойиҳаси бўйича бюджетдан 9,4 миллиард тенге ажратилиб, 20,9 миллиард тенге кредит миқдоридаги 208 лойиҳа қўллаб-қувватланди.
«2023 йилда Ягона саноатлаштириш харитаси доирасида умумий қиймати 14,9 миллиард тенге бўлган 3 та лойиҳани ишга тушириш режалаштирилган. Улар орасида битта лойиҳани алоҳида таъкидлаб ўтмоқчиман. Йил охиригача паррандачилик фермасини топширмоқчимиз. Нархи 9,9 миллиард тенге. Натижада 5 минг тонна парранда гўшти етиштириш кўзда тутилган», - деди вилоят ҳокими.
Муаллиф: Марлан Жиембай
