Йил бошидан бери қозоғистонликларга 1,5 триллион тенге пенсия тўланди
ASTANA. Kazinform - Йил бошидан буён республика бюджети ҳисобидан 1 триллион 549,3 миллиард тенге миқдорида пенсия тўланди, шундан базавий пенсия - 487,5 миллиард тенге, бирдамлик пенсия- 1 триллион 61,8 миллиард тенге, дея хабар беради Kazinform ҚР Меҳнат ва аҳолини ижтимоий ҳимоя қилиш вазирлиги матбуот хизматига таяниб.
2024 йил 1 июнь ҳолатига кўра, пенсионерлар сони 2 миллион 383 минг кишини ташкил этади. Жами пенсиянинг ўртача миқдори 2024 йил 1 июнь ҳолатига кўра 132 401 тенгени, шу жумладан бирдамлик пенсияси миқдори - 89 697 тенге, базавий пенсия - 42 704 тенгени ташкил этди.
Эслатиб ўтамиз, 2018 йил 1 июлдан бошлаб давлат базавий пенсия тўлови ҳар бир олувчига пенсия тизимидаги иш стажини ҳисобга олган ҳолда индивидуал равишда тайинланади.
Шу билан бирга, 1998 йил 1 январдан бошлаб бирдамлик тизимидаги иш стажи, шунингдек, мажбурий пенсия бадалларини тўлаш муддатлари пенсия таъминоти тизимидаги иш стажига киритилади.
Агар фуқаронинг пенсия тизимида иш стажи 10 йил ва ундан кам бўлса ва умуман бўлмаса, базавий пенсия энг кам яшаш даражасининг 65% га тенг ҳисобланади, кейин эса 10 йилдан ортиқ ҳар бир йил учун унинг миқдори 2% оширилади. Агар иш стажи 20 йил бўлса, асосий пенсия энг кам яшаш даражасининг 85% ни ташкил қилади. Агар иш стажи 30 йил ва ундан ортиқ бўлса, у яшаш даражасининг энг юқори, яъни 105% миқдорида белгиланади.10:29
