Япониянинг собиқ бош вазири қароргоҳи тутатқи таёқча туфайли ёниб кетди

Япониянинг собиқ бош вазири Какуэй Танаканинг Токио марказидаги қароргоҳи бутунлай ёниб кетди, дея хабар беради Kazinform агентлиги NHK телеканалига таяниб.

8 январь куни тушликдан сўнг Япония собиқ бош вазири Какуэй Танака қароргоҳида ёнғин содир бўлди. Телеканал маълумотларига кўра, Какуэйнинг қизи Танака Макико қароргоҳда тутатқи таёқчаларини ёқиб юборган, шундан сўнг бино ёниб кетган.

 

Ёнғинни ўчиришга 20 дан ортиқ ўт ўчириш машинаси ва бошқа техникалар жалб қилинган, икки соатдан кейин ёнғин тўлиқ ўчирилган. Бу вақт ичида икки қаватли бино деярли бутунлай ёниб кетган, худди шу ҳудуддаги бир қаватли бино ҳам ёниб кетган.

Воқеа содир бўлган вақтда бинода Танаканинг қизи, собиқ ташқи ишлар вазири Макико ва рафиқаси фамилиясини олган эри, Япония собиқ мудофаа вазири Наоки Танака бўлган. Қурбонлар ва жароҳатланганлар йўқ.

Сиёсатчи эгаллаган қароргоҳ “Медзиро саройи” сифатида ҳам танилган.