Япониялик виртуал хонандалар Қозоғистон мадҳиясини қозоқ тилида куйлади

ASTANA. Kazinform — Виртуал қўшиқчилардан ташкил топган япон қўшиқ гуруҳи «TeSpaRu-5: AI Opera Company Japan» яқинда янги асарини тақдим этди.

Янги тўртта виртуал қўшиқчи: Зундамон (ずんだもん）、Шикоку Метан (四国めたん）、Тохоку Киритан (東北きりたん）、 ва WhiteCUL Қозоғистон Республикаси Давлат мадҳиясини қозоқ тилида куйлади.

YouTube каналида чоп этилган асарда Қозоғистоннинг умумий аҳволи, жумладан, аҳолиси, ер майдони, иқлими, маданияти, урф-одатлари, иқтисодий аҳволи кўрсатилган.

«TeSpaRu-5: AI Opera Company Japan» - виртуал қўшиқчилардан ташкил топган қўшиқ гуруҳи. Гуруҳ бошқа давлатларнинг давлат мадҳияларини ҳам ижро этди.

Виртуал қўшиқ гуруҳи - аъзолари ҳақиқий одамлар эмас, балки жонлантирилган қаҳрамонлар бўлган мусиқий гуруҳ.