Япониялик пианиночи стюардессанинг фартугини ўғирлагани учун ҳибсга олинди

Японияда All Nippon Airways авиакомпанияси самолётидан стюардессанинг фартугини ўғирлаган пианиночи ҳибсга олинди, деб хабар беради Kazinform Kyodo Newsга таяниб.

Токиолик 34 ёшли Казуя Саито ўғирлик қилганини тан олди ва полиция унинг сўзларидан иқтибос келтирди: “Аёллар формасини йиғиш менинг севимли машғулотим. Мен уларни ўзим кийганман».

Унинг веб-сайтига кўра, Саито ҳам Японияда, ҳам хорижда совринларни қўлга киритган. У 2009 йилда нуфузли халқаро Long-Thibaud танловининг финалчиси бўлган.

Полиция маълум қилишича, пианиночи 12 июнь куни ҳибсга олинган. 25 апрель куни у Окинава префектурасидаги Исигаки аэропортида самолётнинг ошхонасидан стюардессанинг фартугини ўғирлагани тахмин қилинмоқда. All Nippon Airways Co. апрель ойида фартук йўқолганини маълум қилган.

Саито, шунингдек, июнь ойида ANA самолётидан кийим ўғирлаганини тан олди. Полиция тинтувлар чоғида унинг Токионинг Нэрима туманидаги уйидан ҳамшираларнинг фартуклари ва кийимларини олиб қўйди.