Японияга ҳалокатли тайфун яқинлашмоқда: 230 дан ортиқ рейслар бекор қилинган
ТОKYO. Кazinform - Японияда яқинлашиб келаётган «Шаньшань» тайфуни сабабли 230 дан ортиқ рейслар бекор қилинди. Бу ҳақда аэропортлар ва авиакомпаниялар мониторинг хизматлари маълумотларига асосланиб TASS хабар беради.
Тайфун 28 август куни Окинава префектураси оролларига яқинлашиб, кечқурун жануби-ғарбий Кюсю оролига етиб бориши кутилмоқда.
Агентликнинг ёзишича, бу чоралар биринчи навбатда Кюсю оролидаги аэропортларга таъсир қилади. Темир йўл операторлари, шунингдек, мумкин бўлган бекор қилиш ва кечикишлар ҳақида огоҳлантирмоқда. «All Nippon Airways» 28-30 август кунлари 80 та рейсни бекор қилди.
“Ҳозир тайфун Амами оролларига (Окинава префектураси) яқинлашмоқда ва шимоли-ғарбга қараб Кюсю, шунингдек, Япониянинг асосий ороли Хонсю томон силжиши мумкин”, — дейилади хабарда.
Эслатиб ўтамиз, 16 август куни “Ампил” тайфуни яқинлашгани сабабли Япония авиакомпаниялари юзга яқин рейслар ва темир йўл операцияларининг бир қисмини бекор қилгани ҳақида ёзган эдик.
