Япониядаги ҳарбий полигонда отишма натижасида 2 аскар ҳалок бўлди
Полиция маълумотларига кўра, 18 ёшли ҳарбий хизматга чақирилган аскар воқеа жойида қўлга олинган ва қотилликка уринишда гумонланиб ҳибсга олинган.
У Гифу префектурасида ўқ отиш бўйича машғулотлар вақтида ҳамкасбларига қарата милтиқдан ўқ узган.
Расмийларга кўра, ҳалок бўлганлар орасида 25 ёшли йигит ҳам бўлган. Бошқа қурбон тафсилотлари ҳозирча маълум эмас.
Японияда қуролли зўравонлик жуда кам учрайдиган ҳодиса, бироқ ўтган йил июлда собиқ бош вазир Синдзо Абэ сиёсий митингда намойишчилар томонидан отиб ўлдирилганидан бери бир қанча эътиборга молик ҳодисалар юз берди. Абэ энг узоқ вақт Япония бош вазири бўлган ва унинг ўлими мамлакатни чуқур ларзага солган.
Апрелда Бош вазир Фумио Кисидага қарата сайловолди ташвиқоти пайтида тутун бомбаси улоқтирилган, лекин у ҳеч қандай зарар кўрмади.
