Японияда янги кичик электромобиль сотувга чиқарилади
ASTANА. Кazinform — Suzuki Motor Corp. компанияси ўзининг биринчи кичик электромобили e Sky моделини 16 ноябрдан сота бошлайди. Унинг бошланғич нархи 2,12 миллион иенани ташкил қилади. Бу Япония бозоридаги кичик электромобиллар орасида энг паст нарх бўлади, деб хабар беради Jiji Press.
Suzuki e Sky моделини ишлаб чиқиш жараёнида кичик автомобиллар ишлаб чиқаришдаги кўп йиллик тажрибасига таяниб, автомобилни тор жойларда бошқариш қулайлигига, шунингдек, ҳайдовчи ва йўловчиларнинг қулайлигига алоҳида эътибор қаратди.
Автомобиль ишлаб чиқарувчиси шунингдек, автомобилнинг оғирлигини камайтириш ва энергия самарадорлигини оширишга устувор аҳамият берди. Автомобиль бир марта зарядлашда 310 километргача юриши мумкин. Бу кичик электромобиллар сегментидаги энг юқори кўрсаткичлардан биридир.
Suzuki ойига мингга яқин e Sky автомобилини сотишни режалаштирмоқда. Компания бу кўрсаткичга бензинли двигателли автомобиль эгаларини янги моделга жалб қилиш орқали эришмоқчи.
Эслатиб ўтамиз, Ўзбекистонда қанча электромобиль рўйхатга олинганганлиги ҳақида хабар берган эдик.
