Японияда студияга ўт қўйган шахс ўлим жазосига ҳукм қилинди

ASTANА. Kazinform - Японияда суд 2019 йилда Киото Animation студиясига ўт қўйган Синдзи Аобани ўлим жазосига ҳукм қилди, деб хабар беради Kyodo News.

Суд
Фото: Freepik

Ёнғин оқибатида 36 киши ҳалок бўлди.

Аввалроқ 45 ёшли Аоба 2019 йил 18 июль куни Киотодаги анимация студиясига ўт қўйганини тан олганди. Япония тарихидаги энг ҳалокатли воқеалардан бирига айланган ёнғинда ҳалок бўлганлардан ташқари яна 32 нафар ходим жароҳатланган.

Аоба, у Kyoto Animation унинг романидан нусха кўчирган деб ўйлаганлиги сабабли жиноятга қўл урганини айтди.

Суд 36 кишининг ўлими учун жавобгарликни "жуда оғир" деб топди.

Аоба 6 декабрь куни бўлиб ўтган суд жараёнида биринчи марта узр сўради. Ҳукм чиқарилишидан олдин айтадиган гапингиз борми, деган саволга судланувчи “йўқ” деб жавоб берди. Суд ҳукмини эълон қилганда ҳам у унчалик муносабат билдирмади.

Ҳукмга кўра, Аоба соат 10:30 атрофида студияга кириб, бензин ишлатиб, ёнғин чиқарган. Ўшанда бинода 70 нафар ходим ишлаган.

Суд жараёни воқеадан тўрт йилдан кўпроқ ўтиб, ўтган йилнинг сентябрь ойида бошланган. Бунга Аобанинг ҳаётига хавф соладиган куйиш жароҳати олгани ва интенсив даволаниш ва реабилитация зарурати сабаб бўлган.

Сўнгги хабарлар