12:48, 07 Сентябрь 2020 | GMT +5
Японияда «Хайшен» тайфуни 430 мингга яқин уйни электрсиз қолдирди
TOKIO. BBC - Kazinform – Японияда «Хайшен» тайфуни туфайли Кюсю оролидаги 430 мингга яқин уйлар электрсиз қолди, деб хабар беради Kazinform BBCга таяниб.

Расмийлар қирғоқ бўйидаги шаҳарлардан 200 мингдан ортиқ одамни эвакуация қилишни буюрди. Япониянинг ғарбий префектураларида фабрикалар, мактаблар, дўконлар ва корхоналар ёпилди. Юзлаб рейслар ва темир йўл алоқалари тўхтатилди. Шунингдек, Россиянинг Приморье ўлкаси ва Корея ярим ороли ҳам тайёргарлик кўрмоқда.
Бир неча кундан бери Япониянинг жанубий ороллари томон келаётган «Хайшен» тайфуни якшанба куни кучайган.
Япония метеорология маркази раҳбари Йошихиса Накамотонинг таъкидлашича, «Хайшен» кучини йўқотмаган.
Пасттекислик ҳудудларида, айниқса, кучли тошқинлар бўлиши мумкинлиги айтилмоқда.
Бу Японияда сўнгги бир ҳафта ичида содир бўлган иккинчи кучли тайфун.