Японияда Ал-Фаробий маркази очилди
NUR-SULTAN. Kazinform – Японияда биринчи Ал-Фаробий маркази очилди. Бу буюк мутафаккир ал-Фаробийнинг 1150 йиллигини нишонлаш доирасида Япония ва Қозоғистон ўртасидаги ҳамкорликни ривожлантиришда муҳим воқеа бўлди, деб хабар беради Kazinform ҚР Ташқи ишлар вазирлиги матбуот хизматига асосланиб.
Тантанали маросим Қозоғистон Республикасининг Япониядаги элчихона кўмаги билан энг нуфузли университетлардан бири – Цукуба университетида бўлиб ўтди.
Мэйджи (1872) давридан бошланган Япониянинг етакчи тадқиқот университетларидан бирида ал-Фаробий марказининг вазифаси халқаро миқёсда Қозоғистоннинг обрўси ва машҳурлигини тарғиб қилишга қаратилган. Бундан ташқари, асосий шериклар инсоният цивилизацияси тарихида беқиёс рол ўйнаган буюк файласуф ал-Фаробий меросини ўрганиш ва тарғиб қилиш мақсадида икки университет салоҳиятини бирлаштиришга тайёр эканликларини билдирдилар.
Ал-Фаробий ғояларини тарғиб қилиб, ҚазМУ дунёнинг 10 та етакчи университетларида очилган Ал-Фаробийнинг марказлари ва музей-уйлари орқали буюк мутафаккир ғояларини тарқатиш бўйича мақсадга мувофиқ ишлайди. Ал-Фаробийнинг юбилей йилида АҚШ, Россия, Греция, Руминия, Албания, Малайзия, Ўзбекистон, Корея Республикаси ва Болтиқбўйи давлатларида янги марказлар ташкил этиш тўғрисида келишувга эришилди.
