Японияда 84 ёшли аёл бошқарган машина клиника биносига бориб урилди

TOKYO. Kazinform - Япония шарқидаги Мацудо шаҳрида машина маҳаллий клиникага урилиб, шиша деворни синдирди. Ҳодиса оқибатида камида икки киши жароҳатланган. Бу ҳақда Kazinform NHK телеканалига асосланиб хабар бермоқда.

45 ёшли поликлиника бемори ва машина бошгарган 84 ёшли аёл жароҳатланди. Ярадорлар касалхонага ётқизилган. Полиция воқеа тафсилотларини аниқлаш учун тергов бошлади.

Сўнгги йилларда Японияда қариялар иштирокидаги йўл -транспорт ҳодисалари тез -тез учраб туради. Шу муносабат билан, маҳаллий полиция қарияларга ишончсизлик пайдо бўлган тақдирда, ҳайдаш ҳуқуқидан ихтиёрий равишда воз кечишни сўрайди.