Япония Туркия ва Сурияга 27 миллион доллар ёрдам беради

ТОKYO. Kazinform - Япония шу ой бошида кучли зилзилалардан жабр кўрган Туркия ва Сурияга қарийб 27 миллион доллар миқдорида фавқулодда гуманитар ёрдам кўрсатади, деб хабар берди жума куни ҳукуматдаги манба, деб хабарт беради Kazinform Кyodo агентлигига таяниб.

Вазирлар Кабинети Бош котиби Ҳирокадзу Мацуно матбуот анжуманида, Япония Туркия ва Суриядаги зилзила жабрланганларга бошпана, озиқ-овқат ва бошқа зарур нарсалар билан таъминлаш учун халқаро ташкилотлар орқали 16 миллион АҚШ доллари миқдорида фавқулодда ёрдам кўрсатишини айтди.

Токио, шунингдек, Япония нодавлат ташкилотлар орқали икки давлатни қўллаб-қувватлаш учун 4 миллион АҚШ доллари ажратади, шунингдек, Сурияга халқаро ҳамжамият грантларини йўналтирувчи траст фондига тахминан 7 миллион АҚШ доллари ажратади.

Мацуно, Япония ҳукумати Туркия ва Сурияга зилзилалардан вайрон бўлган ҳудудларни тиклаш учун гуманитар ёрдам кўрсатишда давом этишини қўшимча қилди.

Туркия ва Сурия ҳукумати маълумотларига кўра, икки давлатда зилзилалар натижасида қурбон бўлганларнинг умумий сони аллақачон 50 минг кишидан ошган.

Туркиядаги зилзилалардан сўнг дарҳол Япония табиий офатларга ёрдам бериш гуруҳини юборгани аввалроқ хабар қилинган эди.

Фото: Kyodo