Япония НАТОнинг Осиё версиясини яратиш ниятида эмас
ASTANA. Kazinform - Япония Осиё-Тинч океани минтақасида (АТР) НАТО каби ҳарбий иттифоқ тузишни режалаштирмаяпти. Бу ҳақда Япония ташқи ишлар вазирлиги матбуот котиби Маки Кобаяси маълум қилди, дея хабар беради Kazinform агентлиги TASSга таяниб.
- Ҳинд-Тинч океани минтақасида биз яқинроқ алоқаларни ўрнатмоқдамиз, ҳамфикр давлатлар ўртасида кўп томонлама муносабатлар ўрнатмоқдамиз, вазиятга баҳо бериб, сиёсатни мувофиқлаштирмоқдамиз. Демак, гап НАТОга ўхшаш ҳарбий иттифоқ яратиш ҳақида кетаётгани йўқ, - деди у 9-11 июль кунлари Вашингтонда бўлиб ўтган НАТО саммити чоғида «Америка Овози»га берган интервьюсида.
Дипломат, шунингдек, Япония Хитойнинг минтақада Шимолий Атлантика альянси аналогини яратишга уринаётгани ҳақидаги фикрига қўшилмаслигини таъкидлади.
10 июль куни Хитой Ташқи ишлар вазирлиги матбуот котиби Линь Цзянь Хитой НАТОнинг минтақавий “мудофаа ташкилоти” доирасидан чиқишига ва альянснинг Осиё-Тинч океани минтақасидаги фаолиятини кенгайтиришига қарши эканини айтди. Дипломат фикрича, ташкилот фаолияти Осиёдаги барқарорликка путур етказади. Аввалроқ КХДР ТИВ АҚШ, Япония ва Жанубий Корея мудофаа соҳасидаги уч томонлама ҳамкорликни кучайтириб, “НАТОнинг Осиё версиясини” яратишга ҳаракат қилаётганини таъкидлаган эди.
