Япония мудофаа сунъий йўлдошини учирди
ASTANA. Kazinform – Япония душанба куни DSN 3 (Кирамэки 3) алоқа сунъий йўлдошини мамлакат ўзини-ўзи мудофаа қилиш кучлари манфаатларини кўзлаб орбитага чиқарди, деб хабар беради JAXA Япония аэрокосмик тадқиқотлар агентлиги.
“Япония аэрокосмик тадқиқотлар агентлиги (JAXA) 2024 йил 4 ноябрь куни соат 15:48:00 да (JST) Танегасима сунъий йўлдошини учириш марказидан тўртинчи H3 ракетаси бортида Х диапазонида Мудофаа алоқалари сунъий йўлдошини учирди”, – дейилади хабарда.
Агентлик маълумотларига кўра, ракета режалаштирилганидек учди ва кўтарилгандан тахминан 29 дақиқа 11 сония ўтгач фазовий кема орбитага чиқарилди.
H3 JAXA ва Mitsubishi Heavy Industries томонидан ишлаб чиқилган Япониянинг асосий юк ташувчи ракетасидир. Бу тўртинчи ракета учирилиши. Н3 Н2А ракетасини алмаштиради. JAXA маълумотларига кўра, Н3 оғирлиги тўрт тоннадан ортиқ бўлган фойдали юкни қуёш-синхрон орбитага ва тахминан саккиз тоннани геосинхрон узатиш орбитасига олиб чиқиши мумкин. Бу Н2А ракетаси учиришга қодир бўлган фойдали юк массасидан 1,3 баравар кўпдир.
