Япония марказий банкининг баланс йўқотишлари рекорд даражага етди
Сўнгги олти ой ичида Япония банки давлат облигациялари бўйича энг катта баланс йўқотди. Бу марказий банк ўн йиллик облигациялар даромадлилиги устидан назоратни юмшатганидан сўнг узоқ муддатли фоиз ставкаларининг ошиши билан изоҳланмоқда, деб хабар беради Kazinform агентлиги NHK World-Japanга таяниб.
Япония банки 2023 молиявий йилнинг биринчи ярми учун молиявий ҳисоботларини эълон қилди. Сентябрь ойи охирида давлат облигациялари бўйича баланс йўқотишлари 10,5 триллион ёки 70 миллиард доллардан ортиқни ташкил қилди.
Бу кўрсаткич март ойидаги 157 миллиард иенадан сезиларли даражада кўпдир ва 2004 молиявий йилда таққосланадиган маълумотлар мавжуд бўлганидан бери энг юқори кўрсаткичдир.
Япония банкининг таъкидлашича, амалга оширилмаган йўқотишлар унинг қисқа муддатли даромадлари ва сиёсатига таъсир қилмайди, чунки у облигацияларни муддатига қадар ушлаб туришни режалаштирмоқда.
Бироқ, таҳлилчиларнинг фикрига кўра, яширин йўқотишларнинг янада ошиши валюта курсига ҳам, дисконт ставкаларига ҳам таъсир қилиши мумкин.
