Япония Хатиконинг туғилган кунини нишонлайди
Ноябрь ойида Японияда 100 ёшга тўлган фидойи ит Хатико шарафига тадбирлар бўлиб ўтмоқда, деб хабар беради Кazinform агентлиги NHK World-Japanга таяниб.
2023 йилнинг ноябрида машҳур ит Хатико таваллудининг 100 йиллиги нишонланади.
Акита префектурасида, у туғилган Одате шаҳрида аҳоли тадбирлар ўтказди.
Хатико 1923 йилда туғилган, у ўзининг эгаси, Токио университети профессори билан учрашганида бир неча ҳафталик эди.
Хатико ҳар куни Сибуя бекатидан ишга кетган хўжайинни кузатиб қўярди ва кутиб оларди.
Бир куни университет кампусида профессор тўсатдан вафот этди.
Кейинги 10 йил ичида Хатико уни станцияда кутди, лекин эгаси қайтиб келмади.
Бу итнинг ҳикояси Токионинг қалбини забт этди ва 1948 йилда Токиодаги Сибуя станциясида Хатикога ҳайкал ўрнатилди, у ерда содиқ ит марҳум эгасини кутган.
Ҳайкал хорижлик сайёҳларни ўзига жалб қилади. Кўп одамлар ёдгорлик ёнида суратга тушишади.
“У садоқат тимсоли”, – деди сайёҳлардан бири.
