Япония дунёда илк бор ёғочдан ясалган сунъий йўлдошни коинотга учирмоқчи

Японияда дунёда илк бор ёғочдан сунъий йўлдош ясади ва тез орада коинотга учирилади.Бу ҳақда Киото университети мутахассислари деярли тўрт йил давомида LignoCat сунъий йўлдошини ишлаб чиқиш ва яратиш учун вақт сарфлаганини маълум қилди.

Баёнотда айтилишича, Киото университети ва Sumitomo Foresty ўрмон хўжалиги корпорациясининг қўшма тадқиқот гуруҳи ёғоч сунъий йўлдошни 2020 йил апрель ойидан бошлаб ясашни бошлаган.

Таъкидланишича, бундай сунъий йўлдошни яратиш ғояси атроф-муҳитга бўлган ғамхўрлик асосида бўлган – миссиясини якунлаб Ерга қайтганида, бундай сунъий йўлдош атмосферага киргандан сўнг бутунлай ёниб кетади. Сунъий йўлдош девор ўлчамлари 10 см ва қалинлиги 4-5,5 мм бўлган кубдан иборат. Шу билан бирга, у алюминийдан ясалган бир нечта эшикларга ҳам эга эканлиги таъкидланган. Шунингдек, сунъий йўлдош қуёш панеллари билан жиҳозланган бўлиб, унинг оғирлиги атиги 1 кг.

Шуниси эътиборга лойиқки, сунъий йўлдошни йиғишда япон анъанавий ёғочдан ишлов беришнинг махсус технологияси қўлланилган, бу эса маҳкамлагичлар ёки бирон бир ёпиштирувчи материаллардан фойдаланишни талаб қилмайди. Япониялик муҳандислар сунъий йўлдошнинг коинотда бўлиши синовдан ўтганини таъкидламоқда. Сунъий йўлдошнинг жорий йилда SpaceX ракетасида коинотга учирилиши кутилмоқда.