Япония COVID-19 га қарши тўртинчи доза билан эмлашни режалаштирмоқда
Соғлиқни сақлаш вазирлигининг ички комиссияси пайшанба куни ҳукумат АҚШнинг иккита фармацевтика компаниясидан қўшимча дозаларни сотиб олишини айтганидан кейин келишиб олди.
Қуйи қўмита розилиги билан ҳукумат томонидан тўртинчи бор эмлаш учун Pfizer Inc ва Moderna inc вакцинасининг жами 145 миллион дозасини сотиб олишга келишиб олганликларини эълон қилди.
Қўмита, шунингдек, 12 ёшдан 17 ёшгача бўлган болалар учун Pfizer CОVID-19 нинг учинчи дозасини тасдиқлади, эмлаш келаси ой бошланиши кутилмоқда.
Исроил ва Буюк Британияда CОVID-19 вакцинасининг тўртинчи дозаси таклиф қилинмоқда. Коронавируснинг юқори даражада юқадиган омикрон версиясига қарши учинчи дозанинг самарадорлиги вақт ўтиши билан пасайиб бориши аниқланди.
Пайшанба кунги йиғилишда қуйи қўмита аъзолари Соғлиқни сақлаш вазирлигининг тўртинчи эмлашга тайёргарлик кўриш таклифини бир овоздан қўллаб-қувватлади.
Таклифга кўра, тўртинчи эмлаш учун Pfizer ва Мoderna вакциналари қўлланилиши кутилмоқда. Манбаларга кўра, май ойида оммавий эмлаш бошланади.
Пайшанба куни ҳукуматнинг маълум қилишича, 46 миллиондан ортиқ одам ёки Япония аҳолисининг 37 фоизи вакцинанинг учинчи дозасини олган.
