Япония бош вазири пул можароси фонида юқори мансабдор шахсларни алмаштиришни режалаштирмоқда

Япония бош вазири пул можароси фонида юқори мансабдор шахсларни алмаштиришни режалаштирмоқда
Фото: Анадолу

Япония бош вазири Кисида Фумио ҳукмрон Либерал-демократик партиядаги энг йирик фракцияга тааллуқли пул можаросига жавоб бериш учун ўз маъмуриятидаги бир қатор юқори лавозимли шахсларни алмаштиришни режалаштирмоқда. У бу ўзгаришларни чоршанба куни парламент сессияси ёпилганидан сўнг дарҳол киритишга тайёрланмоқда, дея хабар беради Kazinform агентлиги NHK World-Japanга таяниб.

Жанжал, асосан, бир вақтлар марҳум собиқ бош вазир Абэ Синдзо бошчилигидаги ЛДП фракциясига таъсир қилади. У ҳозиргача “Абэ фракцияси” деб аталади.

Айтилишича, фракциянинг 100 га яқин аъзосининг аксарияти тўловлар олган, бироқ бу маблағни ўз сиёсий жамғармасининг молиявий ҳисоботида кўрсатмаган.

Бундай тушумлар ҳақида хабар бермасликда айбдор деб топилган сиёсий ташкилотлар аъзолари жаримага тортилади ва ҳатто қамоққа олинади. Қоидабузарлар овоз бериш ва сайловда иштирок этишни вақтинча тақиқлаш билан ҳам жазоланиши мумкин.

Жанжалдан жабр кўрган юқори мартабали амалдорлар орасида Вазирлар кабинети бош котиби Мацуно Хирокадзу, ЛДП парламент ишлари бўйича раҳбари Такаги Цуёси, ЛДП юқори палатаси бош котиби Сэко Хиросигэ, ЛДП сиёсий кенгаши раҳбари Хагиуда Коити, иқтисодиёт, савдо ва саноат вазир Нисимура Ясутоси бор.

Сўнгги хабарлар
telegram