Январь ойида Қозоғистонда ЯИМ ўсиши 3,9 фоизни ташкил этди

ASTANА. Кazinform - Январь ойида Қозоғистон ялпи ички маҳсулотининг ўсиши 3,9 фоизни ташкил этди. Бу ҳақда ҚР Миллий банки раиси Тимур Сулейменов маълум қилди.

“2023 йилда Қозоғистон иқтисодиёти йиллик 5,1 фоизга ўсади. Иқтисодиётнинг барча асосий тармоқларида тадбиркорлик фаоллиги кенгайди. 2024 йил январь ойи якунларига кўра, ялпи ички маҳсулот йиллик 3,9 фоизга ўсди. Ишбилармонлик фаоллиги кенгайишда давом этмоқда. Қурилиш, транспорт, ахборотлаштириш ва алоқа тармоқлари энг юқори ўсиш суръатларини кўрсатди. Қайта ишлаш саноатида ишбилармонлик фаоллиги ошди. Улар орасида кимё саноати, машинасозлик, металл буюмлар, металлургия саноати ривожланмоқда. Алоҳида таъкидлаш жоизки, 2023 йилда ҳосилнинг пастлиги туфайли юзага келган пасайишдан сўнг қишлоқ хўжалиги маҳсулотлари ўсиш зонасига кирди”, — деди Тимур Сулейменов Миллий банкда ўтказилган брифингда.

Миллий банк раҳбарининг сўзларига кўра, ички талаб нархларга босим ўтказди ва барқарорлигича қолди. Буни чакана савдо айланмаси, индивидуал истеъмол товарлари импорти ва умумий овқатланиш, меҳмонхона хизматлари кўрсатиш маълумотларидан ҳам кўриш мумкин. Реал иш ҳақи ва истеъмол кредитларининг ўсиши ички талабни қўллаб-қувватлади.

“Инвестиция фаоллиги ортиб бормоқда. Иқтисодиётнинг барча жабҳаларида асосий капиталга жалб этилган инвестицияларнинг ўсиши кузатилди”, — деди у.