Янги очилган йирик конларнинг 50 фоиздан ортиғи давлатга тегишли бўлади – Мажилис

ASTANA. Kazinform - Бундан буён ўзлаштириладиган йирик конларнинг асосий қисми давлат қўлида бўлади. Мажилиснинг умумий йиғилишида палата раиси Ерлан Қошанов шундай маълумот берди.

“Айтиш керакки, кейинги йилларда қабул қилинган барча қонунлар Президентимизнинг “адолат ғояси”га асосланган. Биз ер усти ва остидаги хазиналар, бойликлар халқ мулки, деган қоидани Конституцияга ёздик. Эндиликда бу тамойил “Миллий жамғарма – болаларга” қонуни билан амалга оширилмоқда. Бундан ташқари, янги очилган йирик конларнинг 50 фоиздан ортиғи давлатга тегишли бўлади”, - деди у.

Мажилис раисининг эслатишича, ноқонуний йўллар билан олинган мулкларни қайтариш тўғрисидаги қонун Давлат раҳбарининг бевосита фармойиши билан қабул қилинган.

“Натижада икки триллион тенгега яқин активлар мамлакатга қайтарилди. Буларнинг барчаси Президентимиз томонидан олиб борилаётган ислоҳотлар самарасидир. Дадил қадамлар тарихий адолатни тиклашга қаратилган”, - деди Ерлан Қошанов.