Ялпи ички маҳсулотнинг беш йил ичида ўртача ўсиши 5,8 фоизни ташкил этади – Алибек Қуантиров

2026-2028 йилларда инфляция 5 фоизгача пасаяди. Бу ҳақда Сенатнинг умумий йиғилишида 2024-2028 йилларда Қозоғистонни ижтимоий-иқтисодий ривожлантириш прогнози муҳокамаси чоғида ҚР Миллий иқтисодиёт вазири Алибек Қуантиров маълум қилди, деб хабар беради Каzinform.

“Прогнозни шакллантиришда нефть нархи бир баррел учун 80 АҚШ доллари бўлган асосий сценарий асос қилиб олинган. Прогнозга кўра, 2024 йилда ялпи ички маҳсулотнинг реал ўсиши 5,3 фоизни ташкил этади. Кейинчалик, 2026-2028 йилларда у 6 фоизга ошади. Ялпи ички маҳсулотнинг 5 йил давомида ўртача йиллик ўсиши 5,8 фоизни ташкил этади. Номинал ялпи ички маҳсулот 2024 йилдаги 135 триллион тенгедан 2028 йилда 218,5 триллион тенгега ошади. Иқтисодиётнинг барча базавий тармоқларида ижобий динамика бўлиши тахмин қилинмоқда. Но хом ашё сектори прогноз қилинаётган ўсишнинг асосий омилларидан бирига айланади”, – деди А. Қуантиров.

Унинг сўзларига кўра, 2024-2028 йилларда саноатда ўртача йиллик ўсиш суръати 4 фоизни ташкил қилиши мумкин.

Ишлаб чиқариш саноати ўртача 4,9 фоиз ўсади ва тоғ-кон саноатининг ўсиш суръатларидан ошиб кетади.

“Қашаған, Тенгиз ва Қарашиғанақ конларида қазиб олиш ҳажмини кенгайтириш ҳисобига нефть қазиб олиш ҳажми 100 миллион тоннадан ошади. Қишлоқ хўжалигининг ўртача йиллик ўсиши 4,5 фоизни ташкил этади. Инвестицион ривожланиш шароитида қурилиш саноати юқори ўсиш суръатларига эга бўлади. Реал секторда ишлаб чиқариш ҳажмининг ўсиши хизмат кўрсатиш ва сервис соҳасининг ўртача 6,3 фоизга ўсишига хизмат қилмоқда. Ички истеъмолчи фаоллиги савдо хизматларининг ўртача 7,4 фоизга ўсишига ёрдам беради. Транспорт соҳасида тахминий ўсиш ўртача 6 фоизни, “ахборот ва алоқа” соҳасида эса 7,8 фоизни ташкил этади. Тармоқларда иқтисодий фаолликни ошириш бўйича инвестиция лойиҳаларини амалга ошириш, реал сектор ва кичик ва ўрта бизнесни давлат томонидан қўллаб-қувватлаш чора-тадбирлари таъсир қилади. Экспорт ҳажми 2024 йилдаги 83,1 миллиард доллардан 2028 йилда 94,8 миллиард долларга, импорт эса 60,7 миллиард доллардан 65,6 миллиард долларга ошади”, – деди Вазир.

Унга кўра, инфляция мақсадли коридори 2024 йилда 6-8 фоиз, 2025 йилда 5,5-7,5 фоиз даражасида белгиланди.

Кейинчалик, 2026-2028 йилларда у 5 фоизгача камаяди.