Яқин кунларда Қозоғистон жанубида ҳаво 20 даражагача исийди

ASTANA. Kazinform - Қозоғистон жанубида яқин уч кун ичида ҳаво 20 даражагача исиши кутилмоқда. Бу ҳақда “Қазгидромет” хабар берди.

“Қазгидромет” синоптикларининг прогнозларига кўра, яқин уч кун ичида Қозоғистоннинг аксарият ҳудудларида атмосферанинг фронтал қисмлари ўтиши муносабати билан ёғингарчилик бўлади.

9 март куни Қозоғистоннинг жануби-шарқида, кундузи тинимсиз ёмғир ёғади. Республикада кучли шамол эсади, ғарб, шимол ва марказда туман тушиши кутилмоқда.

Республиканинг ғарбий вилоятларида термометр кундузи 0 дан 8 даражагача, шимолда 4 даража совуқдан 1 даражагача кўтарилиши кутилмоқда. Мамлакатнинг жанубий вилоятларида ҳаво 10-20 даражагача исиши мумкин.