World Indoor Tour Gold: Астанада дунёнинг энг яхши спортчилари беллашади

World Indoor Tour Gold:  Астанада дунёнинг энг яхши спортчилари беллашади
Фото: Енгил атлетика федерацияси

2024 йилнинг 27 январ куни Астана шаҳрида енгил атлетика бўйича Париж Олимпиадаси учун очколарни тақсимловчи World Indoor Tour Gold турнири бўлиб ўтади, деб хабар беради Кazinform.

Қозоғистон Республикаси енгил атлетика федерацияси томонидан эълон қилинган маълумотларга кўра, Gold Level турнири дунёнинг 7 та шаҳрида бўлиб ўтади. Финал босқичи ғолиби эса 23 феврал куни Мадридда аниқланади.

Астанадаги турнирда энг яхши деб топилган спортчилар Париж Олимпиадаси учун очколар қўлга киритадилар, ғолиб спортчи эса 10 000 АҚШ доллари миқдоридаги пул мукофоти ва Глазгодаги ёпиқ иншоотлардаги жаҳон чемпионатига тўғридан-тўғри йўлланма олади.

Эслатиб ўтамиз, ушбу халқаро турнирда таяниб сакраш бўйича жаҳон ва Олимпиада чемпиони Арманд Дуплантис ҳам иштирок этади.

У шу йилнинг сентябрь ойида Олмос лигаси финалида ўзи ўрнатган жаҳон рекордини янгилади. Швециялик спортчи 6,23 м баландликка кўтарилди.

24 ёшли Арманд Дуплантис Токио Олимпиадаси чемпиони, икки карра жаҳон чемпиони, “Олмос лигаси”нинг 3 карра ғолиби. Швециялик спортчи жаҳон рекордини 12 марта янгилаган.

Сўнгги хабарлар