World Boxing: Даниял Сапарбай Жаҳон кубогида ярим финалга чиқди

ASTANА. Кazinform — Бразилияда бўлиб ўтаётган бокс бўйича Жаҳон кубоги биринчи босқичининг иккинчи кунида Даниял Сапарбай (90 кг дан юқори) ярим финалга чиқди.

Қозоғистонлик боксчи чорак финалда ҳиндистонлик Нарендер Нарендерни мағлуб этди.

Жанг шиддатли кечди. Натижада Даниял рақибини 3:2 ҳисобида мағлуб этди.

Эслатиб ўтамиз, бугунгача Қозоғистон терма жамоаси аъзоси Талғат Сиримбетов (60 кг) бразилиялик Луис Оливейрага, Анита Адишева (54 кг) польшалик Виктория Рогалинскаяга имкониятни бой бериб қўйганди.

Энди Нурзат Онғаров (50 кг) ўзбекистонлик Асилбек Жалиловга, Алмат Абдуали (65 кг) бразилиялик Юри Реисга қарши баҳс олиб боради.

Шунингдек, эркаклар ўртасидаги Жаҳон кубогида мамлакат шарафини Дархан Дуйсебай (70 кг), Диас Молжигитов (80 кг), Даулет Тўлемисовлар ҳам (85 кг) ҳимоя қилади.

Аёллар таркибида Анитадан ташқари Жазира Орақбаева (51 кг) ва Улжан Сарсенбек (57 кг) ҳам бор.