WhatsApp хабарларни таҳрирлашнинг янги функциясини қўшди

ASTANA. Kazinform – WhatsApp фойдаланувчиларга хабарларни таҳрирлаш имконини берувчи янги функция қўшилганини эълон қилди, деб хабар беради Kazinform BBC Newsга таяниб.

Компания хабарлар юборилганидан кейин 15 дақиқа ичида қайта ўзгартириш мумкинлигини даъво қиляпти.

Тезкор хабарлар хизмати Facebook ва Instagramга эгалик қилувчи АҚШ технология гиганти Meta таркибига киради.

Келгуси ҳафталарда ушбу функция WhatsAppнинг 2 миллиард фойдаланувчисига тақдим этилади. Мазкур ижтимоий тармоқ хизматидан фойдаланувчиларнинг энг кўп сони Ҳиндистонда (487 миллион).

Таҳрирланган хабар энди қабул қилувчиларни таркиб ўзгартирилганлиги ҳақида хабардор қилиш учун «таҳрирланган» деб белгиланади. Бироқ, улар вақт ўтиши билан қандай ўзгарганлиги кўрсатилмаган.