Волейбол. «Алтай» аёллар жамоаси Осиё чемпионати финалига йўл олди

NUR-SULTAN. Kazinform – Ўскеменнинг «Алтай» жамоаси Семейда бўлиб ўтаётган аёллар ўртасидаги Осиё клублари чемпионати финалига чиқди, дея хабар беради Kazinform мухбири.

«Алтай» ўтган йилги клублар ўртасидаги Осиё чемпионатининг ғолибидир. Жамоа бу йилги турнирда гуруҳ босқичидаги барча бешта рақибини мағлуб этишди.

Сербиялик мутахассис Марко Гршич шогирдлари Қозоғистон шарафини ҳимоя қилаётган «Қуаниш» клубига атиги битта сетни бой берди – 3:1. Қолган рақибларининг барчасини эса 3:0 ҳисобида мағлуб этди.

Бугун Ўскемен ўзининг асосий рақибларидан бири Таиланднинг «Diamond Food-Fine Chef Sport Club» жамоасини 3:0 (25:12, 25:20, 26:24) ҳисобида мағлуб этди.

Яна бир сербиялик мураббий Дарко Добресков устозлик қилаётган «Қуаниш»да ҳам финалга чиқиш имконияти бор. Асосий рақиби Таиланд клубини 3:1 ҳисобида мағлуб этган Шимолий Қозоғистон вилояти жамоаси бугун финалга чиқиш учун Эроннинг «Barij Essence» жамоасини мағлуб этишга уриниб кўради.

Совринлар учун беллашувлар 30 апрел куни бўлиб ўтади.

Эслатиб ўтамиз, «Алтай» жамоаси Қозоғистоннинг олти карра чемпиони ҳисобланади.

Муаллиф: Елжан Ерали