Видеотасвирга олган: АҚШда мураббий вояга етмаганларни зўрлаганликда айбланмоқда

NASHVILLE. Kazinform - Теннесси штатида «машҳур» футбол мураббийи қўл телефонида қўрқинчли видеолар топилганидан сўнг ҳибсга олинди, дея хабар беради Каzinform CNN га таяниб.

Франклин полиция департаментининг маълум қилишича, мураббий Камило Уртадо Кампос ҳозирда вояга етмаганларни зўрлаш ва жинсий эксплуатация қилишда айбланиб ҳибсда. Қўшимча айбловлар қўйилиши кутилмоқда.

Ҳаммаси Кампос ўз телефонини ресторанлардан бирида қолдириб кетганидан бошланди ва ходимлар уни қайтариш учун эгаси ҳақидаги маълумотларни излаб, гаджетни кўздан кечира бошлади.

Бунинг ўрнига улар сочларини тикка бўлган нарсани топдилар - ўнлаб беҳаё видеолар ва болаларнинг фотосуратлари. Ресторан ходимлари зудлик билан полицияга қўнғироқ қилиб, даҳшатли топилма ҳақида хабар беришди.

Расмийлар текширув ўтказди ва 63 ёшли эркакнинг телефонида юзлаб безовта қилувчи тасвир ва видеоларни топди. Полициянинг айтишича, Кампос «9 ёшдан 17 ёшгача бўлган ўғил болаларни ҳушсиз ҳолатда зўрлаганини видеога олган».

Ҳозиргача телефонда «камида 10 нафар бола» зўрлангани акс этган видеолар топилган. Полиция маҳаллий мактаблар билан яқин ҳамкорлик орқали икки қурбоннинг шахсини аниқлашга муваффақ бўлди.

Тергов ўтказаётган полициянинг айтишича, қурбонлар ҳушидан кетиб қолгани учун зўрланганликларини ҳатто билмаган бўлиши мумкин.

Кампос сўнгги 20 йил давомида Нэшвилнинг жанубидаги Франклин шаҳрида яшаган.

Айтилишича, футбол мураббийи мактаб майдонларига тез-тез борган ва у ерда болаларни футбол билан шуғулланишга ундаган, уларнинг кўпчилиги кейинчалик унинг ишончини қозонганидан кейин ўз уйига таклиф қилган, дейди расмийлар.

Франклин полицияси қолган болаларнинг шахсини аниқлашга ҳаракат қилмоқда.

Фото: Франклин полиция бошқармаси, Теннесси