Вьетнамнинг энг бой аёли фирибгарлик учун ўлимга ҳукм қилинди
ASTANA. Kazinform - Вьетнамдаги энг бой аёллардан бири фирибгарлик учун ўлим жазосига ҳукм қилинди. У банкдан 12,5 миллиард доллар ўғирлаган, деб ёзади ВВС.
Хошимин шаҳри суди 67 ёшли вьетнамлик ишбилармон аёл Чионг Ми Ланни 11 йил давомида мамлакатнинг энг йирик банкларидан бирини умаргандликда айблаб, ўлимга ҳукм қилди.
Van Thinh Phat компаниясининг раҳбари Чионг Ми Лан - Вьетнамда молиявий жиноятлар учун қатл этилган кам сонли аёллардан биридир.
Бундай миқёсдаги фирибгарлик ҳеч қачон кузатилмаган. Чионг Ми Лан Saigon Commercial Bankдан 304 триллион донг (тахминан 12,5 миллиард доллар) кредит олганликда айбдор деб топилди.
Унинг хатти-ҳаракатлари натижасида етказилган жами зарар 27 миллиард долларга баҳоланмоқда ва суд ҳукмига кўра, уни бу суммани қайтариш мажбурияти юкланган, айбловнинг фикрича, бу мумкин эмас.
Суд Чионгга ўғирланган пулларнинг ҳеч бўлмаганда бир қисмини қайтариш учун босим ўтказиш учун ўлим жазосини қўйгани таъкидланган.
Чионг Ми Лан ўз айбига иқрор бўлмади ва жиноятда ўз қўл остидагиларни айблади.
Ланнинг оила аъзоларидан бири Reuters агентлигига берган интервьюсида ҳукм устидан шикоят қилишларини айтди.
Аёл Хошимин шаҳрида яшовчи хитой-вьетнам оиласидан. Катта этник хитой ҳамжамиятига эга бўлган бу шаҳар узоқ вақтдан бери (Сайгон деб номланган ва Жанубий Вьетнамнинг пойтахти эди) Вьетнам иқтисодиётининг локомотиви бўлиб келган.
Лан асосан онаси билан бозорда косметика сотиш билан шуғулланган.
Бироқ 1986 йилда Коммунистик партиянинг иқтисодий ислоҳотлари бошланганидан кейин у ер ва кўчмас мулк сотиб олишни бошлади. 1990 йилларда у бир нечта меҳмонхона ва ресторанларга эга бўлган.
Вьетнам оммавий ахборот воситалари суд жараёни ҳақида батафсил маълумот берди.
Маълумотларга кўра, кўрсатма бериш учун 2700 киши чақирилган, ишда 10 нафар давлат айбловчиси ва 200 нафарга яқин адвокат иштирок этган.
Далиллар оғирлиги 6 тонна бўлган 104 та қутига солинган.
Чионг Ми Лан билан бирга яна 85 кишига айблов эълон қилинди ва улар ҳукмни кутмоқда.
