Ветеринария хизматини кучайтириш учун захирадан 3,8 миллиард тенге ажратилди
ASTANA. Kazinform – Қозоғистон Республикаси Бош вазири Алихан Смаилов тегишли қарорни имзолади. Бу ҳақда primeminister.kz сайти хабар берди.
Маблағлар ветеринария лабораторияларини юқори аниқликдаги қурилма – халқаро тавсиялар ҳамда Codex Alimentarius қоидалари ва талабларига жавоб берадиган суюқ хроматограф билан жиҳозлашга йўналтирилади.
Бу ветеринария соҳасида аниқ тадқиқотлар олиб бориш, мамлакатда озиқ-овқат хавфсизлигини таъминлаш имконини беради. Юқори самарали суюқлик хроматографи озиқ-овқат маҳсулотларида зарарли моддаларнинг кичик изларини аниқлаш имконини беради. Унинг ишлатилиши одамлар саломатлигини озиқ-овқат билан юқадиган хавфли касалликлардан ҳимоя қилишга катта ҳисса қўшади.
Шу билан бирга, янги қурилма ҳозирда ўз маҳсулотларини дунёнинг ўнлаб мамлакатларига экспорт қилаётган қозоғистонлик ишлаб чиқарувчиларга ташқи бозорнинг қатъий талабларини қондириш имконини беради. Бундан ташқари, Қозоғистоннинг бошқа давлатлардан етказиб бериладиган маҳсулотларни назорат қилиш имконияти сезиларли даражада ошади.
Қозоғистон Республикаси Ҳукумати томонидан мазкур қарорнинг қабул қилиниши озиқ-овқат хавфсизлигини таъминлаш ва аҳоли саломатлигини муҳофаза қилиш йўлидаги муҳим қадам ҳисобланади.
