Венгрия президенти истеъфога чиқди

EUROPA. Kazinform - Венгрия президенти Каталин Новак шанба куни 2023 йилда жинсий зўравонлик можаросига алоқадор бўлган эркакни авф этиш тўғрисидаги қарори туфайли жамоатчилик босими ортиб кетганидан сўнг истеъфога чиқди, дея хабар беради Кazinform мухбири.

Европа ОАВларининг ёзишича, 2023 йил апрелида Венгрия давлат меҳрибонлик уйида болаларга нисбатан бир қатор жинсий зўравонликларни яширганликда айбланган эркакни афв этган. Бундан ташқари, ўша пайтда, Папа Францискнинг Венгрияга ташрифи олдидан К.Новак бир нечта шахсларни, жумладан, кўрсатилган одамни афв этишга қарор қилди.

Шу муносабат билан Венгрия президенти юқори даражадаги авф этишда иштирок этиш билан боғлиқ жамоатчилик саволларига жавоб бериш учун Яқин Шарққа сафарини тўхтатди ва мамлакатга қайтди.

Каталин Новак маҳаллий телевидение орқали мурожаат қилиб, у шундай деди: "Мен сиёсатчиларга эмас, балки икки йил олдин хизмат қилишга қасамёд қилган одамларга мурожаат қиляпман".

- Ўтган йилнинг апрель ойида мен болалар билан ишлашда ўз мансабини суиистеъмол қилмаганига ишониб, маҳкумни афв этиш тўғрисида қарор қабул қилдим. Мен хато қилдим, - деди Каталин Новак.

Маълум қилинишича, адлия вазири Юдит Варга мамлакат президенти Каталин Новак билан бирга истеъфога чиққан.