Венгрия парламенти Швециянинг НАТОга кириши ҳақидаги келишувни ратификация қилди
ASTANA. Kazinform - Венгрия парламенти Швециянинг НАТОга кириши ҳақидаги келишувни ратификация қилди. Уни 188 депутат қўллаб-қувватлади, олти нафари “қарши” овоз берди, дея хабар беради Euronews.
Бу Скандинавия давлатининг ҳарбий иттифоққа қўшилиши йўлидаги сўнгги тўсиқ эди.
“Мен Венгрия парламентининг Швециянинг НАТО аъзолигини ратификация қилиш бўйича овоз беришини олқишлайман. Энди, барча иттифоқчилар бу қарорни маъқулласа, Швеция НАТОнинг 32- иттифоқчисига айланади. Швециянинг аъзолиги барчамизни янада кучлироқ ва хавфсизроқ қилади”, - деди Альянс бош котиби Йенс Столтенберг.
Венгрия Бош вазири Виктор Орбаннинг “Фидес” ҳукмрон партияси узоқ вақтдан бери Швециянинг Иттифоққа қўшилишига тўсқинлик қилиб келган. Унинг сўрови ўтган ой Туркия парламенти томонидан ратификация қилинган эди.
