Венеция биенналеси кўргазмасида қозоғистонлик ёш рассомлар ўзаро тажриба алмашмоқда

ASTANA. Kazinform - Қозоғистондан 10 нафар ёш рассом Венецияда бўлиб ўтадиган халқаро санъат кўргазмасида иштирок этиб, ўзаро тажриба алмашади. Бу ҳақда ҚР Маданият ва ахборот вазирлиги Маданият қўмитаси раиси Кумис Сейитова маълум қилди.

“Венеция биенналеси - энг йирик халқаро кўргазмалардан биридир. Давлат раҳбарининг жорий йил январь ойида Италияга ташрифи чоғида Қозоғистоннинг 60-чи Венеция санъат биенналесида иштирок этиши учун ариза топширилган эди. Шу муносабат билан миллий павильонимиз жаҳон андозалари даражасидаги кўргазма учун ташкил этилмоқда. Унинг комиссари - Маданият ва ахборот вазири Аида Балаева. Кўргазма кураторлари Данагул Тўлепбай ва Ануар Мусиреповлардир. Миллий павильон номи «Jeriyq», - деди Кумис Сейитова 60-чи Венеция санъат биенналесида Қозоғистон кўргазмаси ташкил этилиши муносабати билан ўтказилган матбуот анжуманида.

Халқаро кўргазмада таниқли қозоқ рассомларининг асарлари намойиш этилади.

– Вазирлик томонидан ўзаро тажриба алмашиш мақсадида олий таълим олаётган 10 нафар ёш ижодкорни жалб этиш мўлжалланган. 2024 йил 20 апрелда Венеция биенналеси – халқаро кўргазма расман очилади ва унда 90 та давлатдан рассомлар иштирок этади”, — деди қўмита раҳбари.

Кумис Сейитова ҳам барча харажатларни ҳомийлар ўз зиммаларига олишини маълум қилди.

Эслатиб ўтамиз, аввалроқ Венеция биенналесида Қозоғистон рассомларининг асарлари намойиш этилиши ҳақида хабар берган эдик.

Муаллиф: Даулет Изтилеу