Ўзига хос таассурот олдик — Бельгияликлар Қироли Қозоғистонга ташрифи ҳақида
ASTANA. Kazinform — Бельгияликлар Қироли Филипп ва Қиролича Матильда Ақордадан Астана шаҳрининг гўзал манзарасини томоша қилдилар. Қирол Филипп меҳмондўстлик учун Давлат раҳбарига миннатдорлик билдириб, бундан аввал тахт вориси сифатида Қозоғистонга амалга оширган ташрифларини эсга олди.
“Сизнинг раҳбарлигингиз остида мамлакатингиз ривожланаётганидан барчамиз жуда катта таассурот олдик. Ташриф давомида танишиш режалаштирилган сунъий интеллект, энергетика ва атом энергетикаси соҳалари икки мамлакат учун ҳам жуда муҳим. Олимлар иштирокидаги давра суҳбатида бўлиб ўтадиган муҳокамаларни ҳам биргаликда кузатамиз. Биз билан бирга университет ректорлари ва компания вакилларидан иборат катта делегация ҳам келди”, — деди Қирол Филипп.
Шунингдек, музокаралар давомида икки мамлакат расмий делегациялари аъзолари ҳам сўзга чиқди.
Учрашув якунида томонлар кўплаб ташаббуслар илгари сурилганидан мамнун эканликларини таъкидлаб, амалий ҳамкорликни янада ривожлантиришга тайёр эканликларини тасдиқладилар.
Эслатиб ўтамиз, 11-14 октябрь кунлари Бельгияликлар Қироли Филипп ва Қиролича Матильданинг Қозоғистонга давлат ташрифи бўлиб ўтади.
Ташриф дастури тўртта асосий йўналишни қамраб олади. Булар — муҳим фойдали қазилмалар, сунъий интеллект, соғлиқни сақлаш, шунингдек, тарих ва маданият.
Бугун Қасим-Жомарт Тоқаев Бельгияликлар Қироли Филипп ва Қиролича Матильдани Ақордада кутиб олди.
Эслатиб ўтамиз, Президент Қасим-Жомарт Тоқаев Қозоғистон Бельгияни Европада вақт синовидан ўтган ишончли ҳамкор сифатида кўришини таъкидлаган.
