Ўзбекистонлик Бобуржон Омонов - икки карра Паралимпия чемпиони

TASHKENT. Kazinform - Франция мамлакати мезбонлик қилаётган Паралимпия ўйинларининг эркаклар ўртасида ядро улоқтириш (F41) бўйича сўнгги ҳал қилувчи финал баҳси бўлиб ўтди , деб хабар беради Kazinform агентлиги UzAга таяниб.

“Унда Ўзбекистон шарафини ҳимоя қилган Бобуржон Омонов ядрони 14.32 метрга улоқтирди ва Паралимпия ўйинларининг олтин медалини қўлга киритди. У шунингдек 2021 йили Токио шаҳрида ўтган Паралимпиадада ҳам олтин медалга сазовор бўлганди”, - дейилади хабарда.

Эслатиб ўтамиз, “Париж-2024” Паралимпия ўйинларида ҳозирча Ўзбекистон делегацияси ҳисобида 6 та олтин, 4 та кумуш ва 4 та бронза медаль мавжуд.