09:38, 17 Июль 2024 | GMT +5
Ўзбекистонда янги моделдаги электромобиллар ишлаб чиқарилади
TASHKENT. Kazinform - Жорий йил 27 июнда мамлакат Президенти Жиззах вилоятига ташрифи чоғида “BYD Uzbekistan Factory” қўшма корхонасида ишлаб чиқарилган илк электромобилга имзо қўйган ва шу кундан бошлаб заводда BYDнинг “Chazor” ва “Song Plus Champion” моделлари ишлаб чиқариши бошланган эди, деб ёзади ЎзА.
“Ўзавтосаноат” АЖ матбуот хизматининг хабар беришича, “BYD Uzbekistan Factory” қўшма корхонаси хитойлик ҳамкорлар билан янги моделларни ишлаб чиқариш бўйича келишувга эришилди.
Шунингдек, ишлаб чиқариш учун кўзда тутилган янги моделлар орасида “BYD Seagull” вa “E2” электромобиллари ҳам борлиги таъкидланди. Ушбу автомобилларнинг биринчи намуналари ҳозирда синовдан ўтмоқда.
