Ўзбекистонда ўтказилган халқаро фестивалда 45 миллион дона гул экилди
NAMANGAN. Kazinform - Ўзбекистоннинг Наманган шаҳрида 63-чи марта “Наманган гуллари-2024” анъанавий халқаро гуллар фестивали бўлиб ўтмоқда, деб хабар беради Kazinform мухбири.
Ўзбекистонкликлар Наманганни гуллар шаҳри деб бежиз айтмаган. Ҳар йили май ойининг охирида Наманган дунёнинг турли бурчакларидан машҳур флористлар, ландшафт дизайнерлари ва оддийгина гул ихлосмандларини ёрқин гуллар намойиши учун бирлаштиради.
Тадбирни турли рангларда безатилган 200 дан ортиқ автомобилдан иборат автокарвон очиб берди. Кортеж ретро ва замонавий автомобиллардан иборат. Вилоятдаги турли давлат ташкилотлари, ҳокимлик ва олий таълим муассасаларига қарашли уларнинг ҳар бири ўзига хос тарзда безатилган.
Наманган вилояти ҳокими Шавкатжон Абдуразоқовнинг таъкидлашича, тадбирдан кўзланган асосий мақсад гул етиштирувчиларни ҳар томонлама қўллаб-қувватлаш, янги инновацион технологиялар асосида гулчиликни ривожлантириш ва уни иқтисодиётнинг даромадли тармоғига айлантиришдан иборат.
Унинг таъкидлашича, бу йил фестиваль учун шаҳар бўйлаб 65 та турдаги 45 миллион туп гул ва буталар экилган. Ушбу фестивалда Қозоғистон, Россия, Қирғизистон, Тожикистон ва Туркманистондан, шунингдек, хориждан – Жанубий Корея, Туркия, Нидерландия ва бошқа давлатлардан меҳмонлар иштирок этмоқда.
Боғдаги ҳар бир давлатнинг таркиби миллий диққатга сазовор жойларни акс эттирувчи ўзига хос тарзда яратилган. Қозоғистон ҳудудида “Байтерек” монументи узоқдан кўриниб, фестиваль меҳмонларида катта қизиқиш уйғотмоқда.
Наманганда анъанавий гуллар байрами 1961 йилдан буён ўтказиб келинади ва кейинги йилларда халқаро мақомга эга бўлди. Фестиваль 23 июнга қадар давом этади. Фестивалга 6 миллиондан ортиқ иштирокчи, жумладан, 200 мингдан ортиқ хорижий меҳмонлар ташриф буюриши кутилмоқда.
