Ўзбекистонда оилада болаларга нисбатан зўравонлик содир этган шахслар жиноий жавобгарликка тортилади
TASHKENT. Kazinform – Ўзбекистонда оилада болаларга нисбатан зўравонлик содир этган шахслар жиноий жавобгарликка тортилади. Мамлакат президенти Шавкат Мирзиёев Маъмурий ва Жиноят кодексларига тегишли ўзгартиришлар киритиш тўғрисидаги қонунни имзолади, деб хабар беради Каzinform агентлигининг Тошкентдаги мухбири Алихан Асқар.
Тегишли ўзгартиришга кўра, болалар Ўзбекистон Маъмурий ва Жиноят Кодексларининг оиладаги зўравонлик тўғрисидаги моддалари билан ҳимояланган шахслар гуруҳига киритилди.
Шу билан бирга, шуни таъкидлаш жоизки, агар болага жисмоний босим ўтказилсагина, гумонланувчига нисбатан қайд этилган моддалар бўйича иш қўзғатилади.
Бундан ташқари, Ўзбекистон Жиноят-процессуал кодекси янги моддалар билан тўлдирилди. Хусусан, оиладаги зўравонлик билан боғлиқ ишлар бўйича тарафларнинг яраштириш тўғрисидаги илтимослари фақат суд муҳокамаси босқичида берилади.
