Ўзбекистонда Миллий гвардия мактабларда давоматни назорат қила бошлади

TASHKENT. Kazinform - Ўзбекистонда мактабларда дарс қолдириш билан боғлиқ муаммоларга Миллий гвардия ходимлари жалб этилди, натижада давомат 97,7 фоизга ошган, деб хабар беради Кazinform мухбири.

Ўзбекистон Миллий гвардияси матбуот хизмати хабарига кўра, февраль ойи бошида Президент Шавкат Мирзиёев таълимга бағишланган йиғилишда мактабга қатнашиш 70 фоизни ташкил этгани, 2023 йилда мактаб ўқувчилари томонидан 2280 жиноят содир этилганини таъкидлаган эди.

Шу муносабат билан Миллий гвардия зиммасига ўқувчиларни ватанпарварлик руҳида тарбиялаш, “мактаб-оила-маҳалла” занжирини мустаҳкамлаш, давоматни яхшилашга кўмаклашиш орқали “жиноятчиликдан иммунитет” яратиш вазифаси юклатилди.

— 6 февралдан бошлаб Миллий гвардия ушбу вазифаларни бажаришга жалб этилди. Умуман олганда, 6–8 февралнинг дастлабки уч кунида 188 минг ўқувчи дарс қолдиргани аниқланди. Шулардан 96 708 нафари узрли сабабларга кўра дарсга келмаган бўлса, 49 569 нафар ўқувчи узрли сабабларсиз дарс қолдирган, – дейди Миллий гвардия матбуот котиби Давронбек Жуманазаров.

Рейдлар давомида 124 минг нафар ота-она фарзандларининг дарсга қолдиришига йўл қўйилмаслиги тўғрисида расман огоҳлантирилди, 4 минг нафар ота-она фарзандларини тарбиялаш ва ўқитиш бўйича ўз вазифаларини бажармаганлиги учун маъмурий жавобгарликка тортилди. Натижада, дарс қолдирувчи ўқувчилар сони кунига ўртача 30 минг нафарга қисқарди.

— Бир ой ичида дарсга қатнашмаган 1,77 миллионга яқин ўқувчи мактабга қайтди. Шу тариқа давомат 97,7 фоизга етди, – дея хулоса қилди Давронбек Жуманазаров.

Муаллиф: Мадибек Жанибеков