Ўзбекистонда кам қувватли АЭС қурилиши кузда бошланади
TASHKENT. Kazinform - Ўзбекистонда кам қувватли атом электр станциясини қуриш бўйича биринчи штаб бўлиб ўтди, деб хабар беради Кazinform мухбири.
“Ўзатом” Атом энергияси агентлиги маълумотларига кўра, Жиззах вилоятида кам қувватли атом электр станцияси қурилиши кузда бошланади.
- 2024 йил 26 июнь куни “Ўзатом” Атом энергияси агентлиги раҳбарияти ва “Росатом” давлат корпорацияси бош директорининг биринчи ўринбосарининг (А.Петров) кам қувватли атом электр станциясига расмий ташрифи доирасида кам қувватли АЭС қурилиши бўйича шартноманинг кучга кириши тартиби тўғрисидаги баённомани имзолаш маросими бўлиб ўтди, - дея хабар беради агентлик.
Томонлар бўлажак олти блокли атом электр станцияси инфратузилмасини яратиш бўйича ишлар кузда бошланадиган ҳудудни кўздан кечирди. Қурилиш штаби томонидан шартномани амалга ошириш доирасида қурилиш шаҳарчаси ва барча зарур инфратузилмани қуриш ишларини бошлаш имконини берувчи устувор вазифалар белгилаб олинди.
Ўзбекистонда кичик атом электр станциясини қуриш бўйича шартнома 27 май куни Россия президенти Владимир Путиннинг Тошкентга ташрифи чоғида тузилган эди. Ҳужжат Жиззах вилоятида Россия лойиҳаси бўйича 330 МВт қувватга эга (ҳар бири 55 МВт қувватга эга 6 та реактор) АЭС қуришни назарда тутади. Росатом станция қурилишида бош пудратчи сифатида ишлайди.
Муаллиф: Мадибек Жанибеков
