Ўзбекистонда кам таъминланган оилаларга электр ва газ тўловларининг бир қисми компенсация қилиб берилади

TASHKENT. Kazinform - “Ёқилғи-энергетика соҳасида бозор механизмларини жорий этишда эҳтиёжманд аҳолини давлат томонидан қўллаб-қувватлашнинг қўшимча чора-тадбирлари тўғрисида” ги Ўзбекистон Президенти қарори (ПҚ-134-сон, 02.04.2025 й.) қабул қилинди, деб хабар беради Kazinform агентлиги ЎР Адлия вазирлиги матбуот хизматига таяниб.

Қарорга мувофиқ, 2025 йил 1 майдан 2027 йил 1 апрелгача “Ижтимоий ҳимоя ягона реестри” ахборот тизими орқали болалар нафақаси ва моддий ёрдам олувчи ҳамда Камбағал оилалар реестрига (Реестрлар) киритилган, шунингдек, Реестрларга киритилмаган, бироқ моддий аҳволи бўйича кам таъминланган оилалар мезонларига тўғри келувчи, оиладаги жон бошига даромади минимал истеъмол харажатларининг 1,5 баробаридан ошмайдиган оилаларга:

• электр энергияси истеъмоли бўйича – ойига базавий меъёрдан 150 кВт соатгача;
• табиий газ истеъмоли бўйича – иситиш мавсумида ойига базавий меъёрдан 250 куб метргача, бошқа даврларда ойига базавий меъёрдан 150 куб метргача ортиқ фойдаланилган қисми учун базавий меъёр доирасидаги ҳамда базавий меъёрдан ошган нархлар ўртасидаги фарқ компенсация қилиб берилади.

Эслатиб ўтамиз, Ўзбекистонда 2025–2026 йилларда 3 мингга яқин микро ГЭС қурилиши мумкин.