Ўзбекистонда энди отанинг исмини болага фамилия сифатида бериш мумкин
ASTANA. Kazinform - Ўзбекистонда Оила кодексига ўзгартиришлар киритилди. Унга кўра, энди болаларга отасининг исми асосида фамилия бериш мумкин, деб хабар беради Kazinform агентлиги.
Бундан ташқари, ўзгартиришларга мувофиқ, миллий анъаналарга кўра, ота ёки она томонидан бобонинг исми асосида ҳам фамилия беришга рухсат этилди.
Ўзбекистон Республикаси Сенатида таъкидланганидек, бу фуқаролар учун қўшимча қулайликлар яратади ҳамда уларнинг хоҳиш-истакларини миллий ва диний анъаналарга мувофиқ инобатга олиш имконини беради.
Аввалроқ Ўзбекистонда туғилиш кўрсаткичи 2020 йилдан буён биринчи марта 900 мингдан камайгани хабар қилинган эди.
