Ўзбекистонда 2024 йилнинг биринчи кунида 1800 дан ортиқ чақалоқ дунёга келди
Ўзбекистонда 2024 йилнинг биринчи кунида 1859 нафар чақалоқ дунёга келди, деб хабар беради Kazinform мухбири.
Ўзбекистон Соғлиқни сақлаш вазирлиги матбуот хизматининг маълум қилишича, 2024 йил 1 январь ҳолатига кўра, республикада 1859 нафар чақалоқ туғилган, шундан 847 нафари қиз, 1012 нафари ўғил болалардир.
“Жами 21 ҳолатда эгизак, Сурхондарё вилоятида бир ҳолатда уч эгизак туғилди”, — дейилади Соғлиқни сақлаш вазирлиги хабарида.
Энг кўп янги туғилган чақалоқлар Қашқадарё вилоятида – 207 нафар бола. Туғилиш даражаси бўйича биринчи бешликка Андижон (201 та янги туғилган чақалоқ), Самарқанд (196), Фарғона (195) ва Сурхондарё (185) вилоятлари ҳам кирди.
Вазирликнинг қўшимча қилишича, байрам кунларида 229 та туғруқ мажмуасида 7,5 минг шифокор меҳнат қилиб, туғруқ давридаги аёлларга зарур ёрдам ва ғамхўрлик кўрсатган.
Муаллиф: Мадибек Жанибеков
