Ўзбекистон Жаҳон бахтиёрлик рейтингида нечанчи ўринда

TASHKENT. Kazinform - Иқтисодий тадқиқотлар ва ислоҳотлар маркази Жаҳон бахтиёрлик ҳисоботини таҳлил қилди, деб хабар беради Kazinform агентлиги ЎзАга таяниб.

Ушбу таҳлил бахтиёрлик ва субъектив фаровонликка қаратилган бўлиб, унда сўнгги йиллардаги бахтиёрлик билан боғлиқ трендлар ва мамлакатлар рейтинглари акс этган.

Ўзбекистон мазкур рейтингда 143 мамлакат орасида 43-ўринни эгаллаб, МДҲ мамлакатлари орасида етакчилик қилган. 2023 йилда эса Ўзбекистон мазкур рейтингда 54-ўринни эгаллаган. Жорий йилда ҳолат 0,18 пунктга яхшиланган.

Болалар ва ўсмирлар фаровонлиги таҳлилида, 15-24 ёшдагиларнинг бахтиёрлик даражаси 25 ёки ундан юқори ёшдагиларга нисбатан юқори экани кузатилади.

Ҳисоботнинг кексалар билан боғлиқ бўлимида 2050 йилгача кексалар сонининг 2 баравар ортиши, ўз навбатида, уларнинг фаровонлиги ва руҳий саломатлигига урғу берилган.