Ўзбекистон волейбол бўйича ўсмирлар ўртасидаги жаҳон чемпионатига мезбонлик қилади

TASHKENT. Kazinform - 2025 йил Тошкент 19 ёшгача бўлган ўсмирлар ўртасидаги Жаҳон чемпионатига мезбонлик қилади, деб ёзади ЎзА.

Бу ҳақда Халқаро волейбол федерацияси президенти Ари Граса Ўзбекистонга ташрифи давомида эълон қилди.

Айтиш лозим, ушбу ёш тоифасидаги сўнгги жаҳон чемпионати 2023 йил Аргентинанинг Сан-Хуан шаҳрида ташкил этилган эди.

Франция терма жамоасининг ғалабаси билан якунланган мазкур чемпионатда французлар финалда Эрон терма жамоасини 3:1 ҳисобида мағлуб этган.

Жаҳон чемпионатининг бронза медали шунда АҚШни 3:1 ҳисобида енгган Корея Республикасига насиб қилган.