Ўзбекистон вакили World Boxing ташкилотида Головкиннинг ўринбосари бўлди

TASHKENT. Kazinform - Ўзбекистон бокс федерацияси бош котиби Миршоҳид Тиллабоев Геннадий Головкин раҳбарлик қилаётган халқаро World Boxing ташкилоти вице-президенти этиб сайланди. Бу ҳақда Kazinform агентлиги Boxing Uzbekistan маълумотларига таяниб хабар берди.

Геннадий Головкин
Фото: НОК РК

Сайловлар 20 ноябрда Панама шаҳрида бўлиб ўтган World Boxing конгрессида ўтказилди.

Ўзбекистон бокс федерацияси маълум қилишича, овоз бериш жараёнида 95 та миллий бокс федерацияси вакиллари иштирок этган. Миршоҳид Тиллабоев рақибларига нисбатан анча кўп овоз тўплаб, ташкилот вице-президенти этиб сайланган.

Тиллабоев World Boxing ташкилотида юқори раҳбарлик лавозимини эгаллаган Ўзбекистоннинг биринчи вакили бўлди.

Вице-президентлик лавозимига қозоғистонлик спорт функционери Рауан Игенев ҳам номзодини қўйган эди.

Аввалроқ Геннадий Головкин Осиё ва Европа бўйича Ислом бирдамлиги спорт ассоциацияси (ISSA) вице-президенти этиб ҳам сайланган эди.